Shpikësi i VAR kërkon dëmshpërblim: FIFA ma vodhi idenë

Francisco Lopez pretendon se është njeriu i parë që ka hedhur idenë e përsëritjes së aksioneve live gjatë ndeshjeve, që zyrtarisht është quajtur VAR. Ai ka thënë se do ta padisë FIFA-n për “vjedhje” dhe mendon se do të arrijë të fitojë duke marrë një dëmshpërblim prej 15 milionë eurosh. Sipas spanjolles “Marca”, Lopez e ka çuar këtë ide për herë të parë në Ministrinë e Arsimit që në vitin 1999.

8749a3c5-3f56-4853-a4e4-edde1a6676a0

“Ajo që unë imagjinoja atëherë është pikërisht kjo teknologji që po përdoret sot. Është e njëjta gjë që unë kam thënë se duhet të bëhet që në vitin 1999, përfshi edhe grupin e personave që shohin ndeshjen përmes TV dhe i sugjerojnë arbitrit kyresor se çfarë të bëjë. Në atë kohë nuk doja asgjë, por tani shoh që FIFA po e përdor këtë në interes të vet”, tha Lopez për “Marca”.